Алматы тұрғындары әлеуметтік желілерде бір әйелдің өтіп бара жатқандарға шабуыл жасап, оларға тас лақтырып жүргенін бейнежазбалар арқылы таратып жатыр, деп хабарлайды infohub.kz сайты.
Threads желісіндегі makpal.yessenamanova деген пайдаланушы қала көшелерінің бірінде ер адам мен әйелдің арасындағы жанжал түсірілген бейнежазба жариялады. Пікірлерде басқа да алматылықтар өздерінің жазбаларымен бөлісе бастады, олардың айтуынша, онда да сол әйел бейнеленген. Мегаполис тұрғындарының сөзінше, ол өтіп бара жатқандарға тас лақтырып, олардың басын көздейді.
Жарияланымға Алматы полиция департаменті жауап берді. «Әлеуметтік желілерді мониторингтеу барысында әйелдің өтіп бара жатқандарға қатысты өзін адекватсыз ұстағаны түсірілген бейне табылды. Бостандық ауданының ПБ-да материал тіркелді. Сол күні сағат 17:44-те Розыбакиев көшесінде белгісіз әйел өтіп бара жатқан көліктерге тас лақтырып жатқаны туралы хабарлама түсті. Келген полиция қызметкерлері 1999 жылы туған әйелді ұстап, аудандық полиция басқармасына жеткізді», — деді құқық қорғау органдары.