Қазақстандық екі танымал блогер әлеуметтік желілердегі былапыт сөздері үшін әкімшілік жауапкершілікке тартылды. 25 жастағы Ибраим Стамбеков пен 21 жастағы Абай Абдыхановты полиция қызметкерлері әлеуметтік желілер арқылы анықтап, ұсақ бұзақылық үшін әкімшілік қамауға алды, деп хабарлайды infohub.kz сайты.
Алматының Наурызбай ауданы полиция басқармасының мәліметінше, әлеуметтік желілерді мониторингілеу барысында құқық қорғау органдары екі жас жігіттің былапыт сөздер мен қорлайтын сөз тіркестерін қолданған бейнежазбасын тапқан. Олар бұны әзіл-оспақ контенті ретінде ұсынған.
«Сот шешімімен олар кінәлі деп танылып, әрқайсысы 5 тәулікке әкімшілік қамауға алынды», — деді полицияда.
Құқық қорғау органдары интернетте былапыт сөздер мен қорлауды жария түрде қолдану заңда көзделген жауапкершілікке әкеп соғатынын еске салды. «Әзіл» форматы жарияланған материалдың мазмұны үшін жауапкершіліктен босатпайды.
Бұзушылардың бірі — Instagram-дағы ibra.tayken лақап атымен танымал блогер, оған 413 мың адам жазылған. Екіншісі — aaabdx аккаунтының иесі, оның 111 мың жазылушысы бар. Жас жігіттер комедиялық контентті бірге де, жеке де түсіреді.
Бұған дейін «Курсив» Петропавлдық блогер Ирина Антоненко Каспийдегі оқу-жаттығу кезінде қаза тапқан 14 әскери қызметшіге арналған жалпыұлттық аза тұту күні тікелей эфир өткізгеннен кейін 10 тәулікке әкімшілік қамауға алынғанын жазған болатын.