Алматыдағы №2 қалалық перинаталдық орталықта дәрігерлер салмағы небәрі 679 грамм болып туған нәрестені аман алып қалды. Бұл туралы Қазақстан Республикасы Денсаулық сақтау министрлігі хабарлады, деп жазады infohub.kz сайты.
Ведомствоның нақтылауынша, әйелді Алматыдағы перинаталдық орталыққа 26 апта 6 күндік мерзімде шұғыл жеткізген. Жүктілік асқынуына байланысты медициналық көрсетілімдер бойынша босану кесарь тілігі арқылы жүргізілді. Осылайша, 8 тамызда өте шала туған ұл бала дүниеге келді — оның салмағы небәрі 679 грамм еді.
Нәресте реанимацияда 70 күн жатты. Оның 43 күнін өкпені жасанды желдету аппаратында, тағы 25 күнін СИПАП әдісімен қолдауда өткізді.
«Өмірінің алғашқы минуттарынан бастап нәрестеге қарқынды медициналық көмек қажет болды. Осы уақыт бойы медициналық топ оның жағдайын тәулік бойы бақылап, қажетті ем жүргізді», — деп атап өтті Денсаулық сақтау министрлігінде.
Өмір үшін көп аптаға созылған күрестен кейін асыға күткен сәт туды: сәби реанимациядан шығып, анасының қасына келді. Бүгін нәрестеге 75 тәулік. Ол қазірдің өзінде 1 800 грамм тартады және үшінші күн анасымен бірге бірге жататын палатада жатыр.
Ведомство бұны перинаталдық көмекті дәйекті дамытудың, заманауи технологияларды енгізудің және аналар мен балаларды медициналық сүйемелдеу жүйесін жетілдірудің нәтижесі деп санайды.