Алматы полициясы агрессивті жүріс стилі үшін Mercedes-Benz G-класындағы, яғни «Гелендваген» деп танымал көліктердің жүргізушілерін әкімшілік жауапкершілікке тартты, деп хабарлайды infohub.kz сайты.
Қалалық Полиция департаментінің мәліметінше, әлеуметтік желілерде екі Mercedes жүргізушісінің қарапайым қауіпсіздік талаптарын елемей, агрессивті жүріс көрсеткен бейнежазба пайда болған.
«Әкімшілік полицияның іздестіру бөлімшесі қызметкерлері жарияланымға дереу ден қойды. Жедел-іздестіру іс-шаралары барысында екі жүргізуші де анықталды — олар 20 және 23 жастағы алматылықтар», — деді Полиция департаментінде.
Қауіпсіздік белдігін пайдалану ережелерін бұзғаны және басқа қозғалыс қатысушыларына қауіп төндіретін қауіпті маневр жасағаны үшін жүргізушілер әкімшілік жауапкершілікке тартылды. Бейнежазба кадрларына қарағанда, олардың көліктері айыппұл тұрағына жіберілген.
Полиция департаменті жолдағы қауіпті мінез-құлық құқықтық бағасыз қалмайтынын қосты.
«Бірнеше секундтық асқақтау трагедияға айналуы мүмкін. Жол жүру ережелерін сақтап, өзгенің өмірін қауіпке тікпеңіздер», — деді баспасөз қызметінде.