Алматыда полиция патрульдері мен учаскелік инспекторлар 102 пультіне түскен шақыртуларға, күрделілік дәрежесіне қарамастан, 3–5 минут ішінде жауап береді. Дегенмен, полиция департаментінде атап өткендей, кейде кідірістер де болады, деп хабарлайды infohub.kz сайты.
Қоғамдық қауіпсіздік басқармасының бастығы Тимур Ноғайбаев Өңірлік коммуникациялар қызметіндегі брифингте ауыр қылмыстар туралы хабарламаларға әрқашан басымдық берілетінін түсіндірді. Кешігу фактілері анықталса, полиция арызданушылармен және нарядтармен айналысады.
Алматы полиция департаментінің ресми өкілі Салтанат Әзірбек 102 арнасына тәулігіне шамамен 3000 хабарлама мен қоңырау түсетінін қосты. Әрқайсысын өңдеуге уақыт қажет. Қоңыраулардың шамамен 20 пайызы ақпараттық-анықтамалық сипатта болады, бірақ полиция барлық шақыртуларға жауап береді. Патрульдік экипаждың оқиға орнына келуінің негізгі уақыты 3–5 минутты құрайды. Әрі қарай көмек сұраған адамға жедел білікті көмек көрсетіледі, қажет болған жағдайда тергеу-жедел тобы шақырылады. Бірде-бір шақырту назардан тыс қалмайды, барлығы тиісті деңгейде өңделеді.