Алматыда түнгі уақытта жол қозғалысы ережелерін бұзушылықтардың алдын алу күшейтілді — рейдтер барысында 550-ге жуық бұзушылық анықталды, деп хабарлайды infohub.kz сайты.
NUR.KZ агенттігі Ішкі істер министрлігіне сілтеме жасап хабарлағандай, тәртіп сақшылары мотокөлікке — мотоцикл мен мопедтерге, сондай-ақ түнгі уақытта жиі тіркелетін бұзушылықтарға ерекше назар аударды.
Тексеру жүргізу үшін жол қауіпсіздігі қызметінің, патрульдік полицияның және аудандық полиция бөлімшелерінің қызметкерлерінен 10 мобильді топ құрылды.
Рейдтік іс-шаралар барысында барлығы 544 жол қозғалысы ережесін бұзушылық анықталды. Анықталған фактілердің ішінде — көлікті мас күйінде басқарудың 18 жағдайы. Маневрлеу ережелерін бұзғаны үшін 46 жүргізуші жауапкершілікке тартылды, 7 жағдайда апаттық жағдай туғызу тіркелді.
Мотокөлікке ерекше назар аударылды: 13 мопед пен 5 мотоцикл арнайы айыппұл тұрағына қойылды. Сонымен қатар, көшелерден кикшеринг компанияларының 58 электросамокаты алынды.
«Жол қозғалысының қауіпсіздігі тәулік уақытына тәуелді емес. Әсіресе, түнгі уақытта жекелеген жүргізушілер жылдамдықты асырып, қауіпті маневрлер жасап, көлікті мас күйінде басқарып немесе белгіленген талаптарды бұза отырып пайдалануға жол беретінін ескеру қажет. Сондықтан біз дәл түнгі сағаттарда бақылауды күшейттік. Бірінші кезекте біздің міндетіміз — жолдағы қауіпті мінез-құлықтың алдын алу және ЖКО-ға жол бермеу», — деді Алматы қаласы ПД ӘҚБ басқармасының бастығы Абдинур Тасыбаев.