Алматыда Саина көшесінде жаңа асфальт төселгеннен кейін қалған қауіпті шұңқырлар туралы жүргізушілерге ескертті, деп хабарлайды infohub.kz сайты.
Instagram желісінде Boris.drive деген логинмен тіркелген қолданушы әлеуметтік желіде ескерту жасалған бейнежазба жариялады. «Саина көшесінде, Рысқұловтан төмен, қалаға қарай жаңа асфальт төселді — мынадай шұңқырлар қалдырып кетті. Бес шұңқыр, қоршау да, ешнәрсе де жоқ», — дейді бейнежазба авторы.
Ол бейнежазбада дөңгелегі қисайып кеткен көлікті көрсетті. Ақау, болжам бойынша, шұңқырға тап келуден туындаған. Бейнежазба авторының айтуынша, шұңқырлар «София» тұрғын үй кешенінің маңында орналасқан.
«Құлап кетуге болады. Міне, осындай жағдай болды. Дөңгелек те, жүріс бөлігі де жарамсыз болды. Абайлаңыздар», — деді ер адам.
Пайдаланушылар пікірлерде жарияланымға жауап берді: «Кемінде белгі қою керек еді», «Ал түнде мүлде көрінбейді. Бұл не деген жағдай? Ескерткендеріңізге көп рахмет», «Жүргізушілерге қақпан».
NUR.KZ тілшісі қала әкімдігінің баспасөз қызметінен пікір сұрады, жариялау сәтінде ол алынбаған.