Кеше түнде Алматы тауларында құтқарушылар адасып қалған жігіт пен қызды тапты. Іздеу-құтқару жұмыстары 2600 метр биіктікте жүргізілді, деп хабарлайды infohub.kz сайты.
Жастар Алматы облысының Қарасай ауданындағы «Терра» алаңы маңында адасып қалған. Жігіт «112» нөміріне қоңырау шалып, серіктесімен бірге жолдан адасқанын айтқан. Телефонының заряды таусылып, көп ұзамай байланыс үзілген.
Іздеуге Алматы қалалық мониторинг және жедел реагирование орталығының құтқарушылары дереу шыққан. Нәтижесінде 2006 жылы туған жігіт пен 2005 жылы туған қыз табылды. Құтқарушылар оларды «Алма-Арасан» тұрағына дейін жеткізді. Оларға медициналық көмек қажет болмады, олар үйлеріне өздігінен кетті.
ТЖМ қауіпсіздік ережелерін еске салды: «Тауға шығар алдында жақындарыңызға маршрутыңызды алдын ала хабарлаңыз, ауа райы болжамын тексеріңіз, толық зарядталған телефон және сыртқы аккумулятор алыңыз. Тауға жалғыз шықпаңыз және қауіпсіз маршруттардан ауытқымаңыз».