Қазақстан ТЖМ бөлімшелері Алматыдағы Алатау ауданы Томирис шағын ауданындағы әкімшілік ғимаратта шыққан ірі өртті сөндіруде, деп хабарлайды Qumash.kz.
Өртке жоғары дәреже берілді. «Орнында жедел штаб құрылды. Адамдардың бар-жоғына барлау жүргізіліп, бір мезгілде төбе жабыны ашылып, жасырын жану ошақтары табылып, жойылуда», — деп мәлімдеді қалалық ТЖ департаменті.
Өрт сөндірушілер екі бағытта жұмыс істеуде: негізгі ошақты сөндіріп, көрші ғимаратты оттың таралуынан қорғайды. Суды үздіксіз беру үшін барлық қолжетімді ашық су көздерінен су алу ұйымдастырылған. Зардап шеккендер немесе қаза тапқандар туралы ақпарат әзірге жоқ. Өрт оқшауланды.