Алматыда құтқарушылар жеке үйлердің өртеніп кетуіне жол бермеді: кеше оңтүстік астанада өрт шықты, деп хабарлайды infohub.kz сайты.
Оқиға Жетісу ауданындағы Кемел шағынауданында болды – жеке үйдің шатыры өртенді. Оқиға орнына ТЖМ өрт сөндіру бригадалары жедел жіберілді.
Тығыз құрылыс салдарынан өрттің көрші тұрғын үйлерге ауысу қаупі болған.
«Өрт сөндірушілер бір уақытта өртті сөндіріп, жақын маңдағы ғимараттарды қорғады. Оттың таралуына жол берілмеді. Құтқарушылар үйдің ішкі бөлмелерінің күйіп кетуін болдырмады», – делінген ТЖМ хабарламасында.
Өрт сөндірілді. Зардап шеккендер жоқ.
«ТЖМ өрт қауіпсіздігі талаптарын сақтау қажеттігін және төтенше жағдайлар туралы 112 нөміріне дереу хабарлауды ескертеді», – деді құтқарушылар.