Мұхтар Жақышевтің қызы Алтынай Оби Instagram-да күйеуі Карлмен бірге сапарға шыққаны туралы әзіл-оспақ видеоны жариялады. Бұл видео жазылушылардың қатты әсерін тудырды, деп хабарлайды infohub.kz.
Кадрларда жұп әуежайда келе жатқаны көрінеді: Алтынайдың қолында ешқандай жүк жоқ, ал оның күйеуі екі чемодан мен басқа да заттарды көтеріп келеді. Қыз: «Неге мені қолымнан ұстамайсың?» деп сұрайды. Күйеуі оған шынашағынан ұстауды ұсынады.
Бәлкім, жас жұбайлар неке сапарына шыққан болуы мүмкін. Алтынайдың сторисінде олардың теңізде немесе көлде катермен жүзіп жүрген кадрлары пайда болды. Жақышевтің қызы демалыс үшін таңдаған елін нақтыламады.
Пікірлерде пайдаланушылар жұптың қарым-қатынасына тәнті болып жатыр. «Сендердің қандай әдемі жұп екендеріңе әр жолы таңғаламын», «Алла сендерге ұзақ ғұмыр берсін», «Маған бұл қыз қатты ұнайды, сондай тазалық пен шынайылық. Бақытты бол, аяулым», — деп жазды жазылушылар.
Еске салайық, бұған дейін жас отбасы әлеуметтік желілерде Алтынайдың таңдаулысы басқа нәсілге жататыны үшін хейт толқынына тап болған еді. Сонда қыз жаман ниетті адамдарға тебірентетін үндеу жолдаған.
Алтынайға шамамен 27 жас, ол модель болып жұмыс істейді және жасөспірім кезінен Лондонда тұрады. Оның күйеуі — инвестициялық менеджер.