АҚШ Әділет министрлігі Аляска штатындағы Сенат сайлауына қатысты тергеу аясында шақырту қағаздарын жіберді. Бұл туралы ABC News агенттігі өз дереккөздеріне сілтеме жасап хабарлады, деп жазады infohub.kz сайты.
Тергеуге негіз болған жағдай — демократ Мэри Пелтоланың сайлауалды штабы партия белсенділерімен бірлесіп, бюллетеньге республикашыл сенатор Дэн Салливанмен аттас тағы бір үміткерді қосып, сайлаушыларды шатастыруға әрекеттенген. Федералдық тергеу New York Times басылымы бұл әрекетті Пелтоланың штабы ұйымдастырғанын, ал штаб бұған дейін бірнеше ай бойы оған қатысы жоқ деп келгенін жариялағаннан кейін бір күн өтпей басталды. Сенат сайлауының қорытындысы сейсенбіде белгілі болады.
Сол күні Алясканың республикашыл губернаторы Майк Данливи бұл әрекетке қатысты қылмыстық тексеру жүргізілетінін мәлімдеді. Times басылымының мәліметінше, мақсат — қазіргі сенаторды қолдағысы келген аляскалықтардың ойын шатастыру болған.
Өткен аптада Дональд Трамп Салливан жеңіске жетпесе, Сенат сайлауының қорытындысын бекітуге жол бермеу үшін Әділет министрлігіне сотқа талап-арыз беруді тапсырғанын айтқан еді. Бұл іс әзірге қаралуда.