Қазақстандық әнші Ернар Садірбаев, Amre деген атпен танымал, 20-26 тамыз аралығында Қазанда өткен «Новая волна-2026» музыкалық байқауына қатысуы туралы айтты. Әртіс фестиваль кезінде оны қолдағандардың барлығына алғыс білдірді, деп хабарлайды infohub.kz сайты.
Әншінің айтуынша, ол өткен жылы Игорь Крутойдың ресми шақыруынан кейін байқауға қатысушы атанған, бірақ бұған дейін мұндай жоспары болмаған. «11 жыл бұрын мен «Новая волнаға» бойз-бенд құрамында қатысқан едім және шынымды айтсам, бұл байқауға жеке әртіс ретінде ораламын деп ойламаппын. Алайда маэстроға, оның шығармашылығына деген үлкен құрмет пен жеке шақыруына байланысты қатысуды жөн көрдім. Бұдан кейін жобада болған оқиғалар — мүлдем басқа әңгіме. Оған қайта оралып, талқылап немесе баға бергім келмейді. «Новая волна-2026ға» қатысуымды кәсіби тәжірибе емес, өмірлік тәжірибе ретінде қабылдаймын. Осы тәжірибеден өзіме белгілі бір қорытынды жасадым және ол сөзсіз шығармашылық жолымның бір бөлігі болып қалады», — деді Amre.
«Вечерняя Казань» газетінің жазуынша, финалда төрт елден — Ресей, Армения, Беларусь және Қазақстаннан 12 қатысушы жеңіс үшін күрескен. «Новая волна - 2026» жеңімпазы Армениядан Флора Бичахчян атанды. Екінші орынды байқаудың ең жас қатысушысы болған Ресейден келген 16 жастағы Анастасия Иванова иеленді. Үшінші орынды Ресейден TROFIM GRANN алды.
Еске сала кетейік, «Новая волна» басталар алдында Игорь Крутой Димаш пен «Новая волна-2025» жеңімпазы Alex Lim-мен архивтік фотосуреттермен бөліскен еді.