Нидерланд астанасында ЛГБТ қауымдастығының құқығын қорғауға арналған жыл сайынғы шеруде ерекше инсталляция пайда болды: Ресей президенті Владимир Путин мен Ақ үй басшысы Дональд Трамп сүйісіп тұрған жұп ретінде көрсетілді, деп хабарлайды infohub.kz сайты.
Deutche Welle мәліметінше, Амстердамдағы прайд ұйымдастырушылары голландиялық танымал ғашықтар мүсінін негізге алып, «The Kissing Couple» деп аталатын композиция жасады. Авторлар дәстүрлі ғашықтардың орнына Ресей мен Америка көшбасшыларының мүсіндерін қойды.
Инсталляцияның бейнежазбасы мен фотосуреттері әлеуметтік желілерде тез таралып, кең қоғамдық резонанс тудырды. Кадрларда Путин мен Трамптың мүсіндері сүйісу сәтінде бейнеленген, бұл шеруге қатысушылардың назарын аударды.
Прайд ұйымдастырушылары өз ойларын былай түсіндірді: «Біз арандату үшін емес, билікті бір сәтке тоқтатып, адамдық бірдеңе көрсету үшін жасадық. Бірлікке көбінесе билік арқылы, өз пікірімізді дәлелдеуге ұмтылу немесе айырмашылықтарды атап көрсету арқылы жетуге тырысамыз. Ал біз шынайы жақындасу жүйелерден немесе саяси блоктардан емес, адамдардан басталады деп сенеміз. Біздің өзімізден. Бұл әрқайсымыздан күнделікті күш-жігерді талап етеді - дауларда, отбасы аясында, жұмыста және достар арасында».