Солтүстік-батыс антициклоны алдағы үш күнде Қазақстан ауа райын айқындайды: «Қазгидромет» синоптиктері температураның күрт төмендеуін, түнгі аяз бен алғашқы қарды ескертті, деп хабарлайды infohub.kz сайты.
Антициклон әсерінен 27 және 28 қыркүйекте еліміздің батысында, солтүстік-батысында, солтүстігінде, шығысында және оңтүстік-батысында жауын-шашынсыз ауа райы күтіледі. Сол уақытта атмосфералық фронттардың өтуі республиканың шығысына, орталығына, оңтүстігіне және оңтүстік-шығысына нөсер мен найзағай әкеледі.
Түнде Алматы облысының таулы аудандарында қар жаууы мүмкін, ал таңертең кей жерлерде тұман болжанады. Сонымен қатар облыстардың көбінде жел күшейіп, оңтүстікте шаңды дауыл тұрады. Шығыс, солтүстік, солтүстік-батыс және орталық өңірлерде түнде 1…3°С-қа дейін аяз болады.
Жұма, 25 қыркүйекке Қазақстанның басым бөлігінде жаңбыр, найзағай және қатты желге байланысты дауылды ескерту жарияланды. Астанада таңертең және күндіз солтүстік-шығыс жел соғады. Өрт қаупі жоғары болып қала береді.
Бұған дейін «Курсив» Қазақстанның алты қаласында — Павлодар, Алматы, Ақтөбе, Өскемен, Семей және Риддерде қолайсыз метеорологиялық жағдайлар (ҚМЖ) болжалғанын жазған.