Америка Құрама Штаттарында Венесуэла президенті Николас Мадуроның ісі бойынша сот талқылауын жүргізген федералдық судья Элвин Хеллерстайн қайтыс болды. Судья 92 жаста еді, деп хабарлайды infohub.kz сайты.
Хеллерстайнның қайтыс болғаны туралы ақпаратты Нью-Йорктің Оңтүстік округі федералдық сотының баспасөз қызметі тілшілерге растады. «Иә, солай», — деді ведомство өкілдері судьяның қазасы жөніндегі мәліметті түсіндіре отырып.
Хеллерстайн бұл қызметке 1998 жылы тағайындалған. Мансап жылдарында ол бірқатар резонансты істі, соның ішінде 2001 жылғы 11 қыркүйектегі террористік шабуылдарға қатысты сот талқылауларын қарастырды.
Айта кетейік, 15 қазанда Мадуро ісі бойынша өткен соңғы отырыста Хеллерстайн таяқпен жүріп, өте баяу сөйлеген.
Еске салайық, 3 қаңтарға қараған түні Каракаста жарылыстар болды. Кейін Дональд Трамп АҚШ ауқымды соққы бергенін, ал Венесуэла президенті Николас Мадуроны әйелімен бірге ұстап алып, елден шығарғанын мәлімдеді.
Венесуэла Жоғарғы соты президент міндетін уақытша вице-президент Делси Родригес атқарады деп шешті. Венесуэла президенті Николас Мадуро мен оның әйеліне қатысты АҚШ-тағы сот процесі 2027 жылғы 1 маусымда басталады, деп мәлімдеді Нью-Йорк соты.
Жақында Мадуро отбасына түрмеден фотосуреттер жіберді. Ал қыркүйекте Мадуро мен Силия Флорес сәрсенбі күні судьядан есірткі саудасы бойынша айыптауларды алып тастауды сұрады. Қазан айының басында Николас Мадуро мен оның әйелі Силия Флореске АҚШ-та жаңа айыптаулар тағылды.