АҚШ-ты көрген қазақ баласы Қазақстаннан саналы түрде бас тартты
АҚШ-қа біржола көшуге бел буған қазақстандық студент Темір Хан Қазақстанда өмір сүру уақытты бекерге өткізу дегенге сенімді. Бұл туралы ол әлеуметтік желілердегі жеке парақшасында бөліскен.
Студент Қазақстан туралы «ащы шындықты» жасырмай жайып салған. Әл-Фараби атындағы ҚазҰУ-дың халықаралық қатынастар факультетінде білім алған жігіт 1-нші курстан-ақ АҚШ-тың түрлі жобалары мен бағдарламаларына қатысқан.
Жігіт АҚШ-пен салыстырғанда төмен жалақыларға қарамастан өз Отанында оның гүлденуіне атсалысу үшін жұмыс істеу қажет деген пікірде болған.
Елдегі білім беру жүйесіне студенттің көңілі толмаса да, шетелге жастар неге көптеп кетіп жатыр деген ой мазалаған. Бірақ жиған-тергенін "жеп қойған" девальвация, 65 мың теңге жалақы мен - қызметтегі әделетсіздік, мансап жолындағы таныс-тамыр - "қазақи менеджемнет" өз дегенін жасаған. Бәрінен көңілі қалған жігіт қызметінен шығып, Алматыға қайтпақ болады. Отандық пойыздардағы қызмет, лас төсек-орын, тағы басқасы студентті шетелге аттану қажет деген ойға итермелейді.
Сөйтіп әке-шешесімен сөйлесіп, барлық құжаттарды реттеп, Нью-Йойркке оқуға аттанады.
"Бір өкінетінім - арада осынша уақыт өткеннен кейін ғана АҚШ-та қалып, ел болашағы емес, өз болашағымды ертерек ойламағаным. 18 жасымда Нью-Йоркте алғаш болған кезде соны бастауым керек еді", - дейді Темір Хан.
Жігіт ҚазҰУ-да босқа жіберген уақыты мен ата-анасының қаражатына өкінеді. Тіпті өзін шетелге кетуіне себеп болған оқытушыларына риза екенін жасырмайды.
АҚШ-та жаңадан оқи бастаған жігіт туған университетіндегі оқуның еш маңызы болмағанын түсінеді.
Темір жазба соңында Қазақстанда әлі оқып жүрген жастарға өз өмірі мен болашағы туралы ойлауға кеңес береді.
"Өз ата-аналарыңыздан басқа ешкімге керек емессіз. Ал өкіметке керексіз бе?! Ата-аналарыңыздан зейнетақы қоры туралы сұраңыз да қорытынды жасай беріңіз", - дейді ол.
"Кеш болмай тұрып, барлық күмәндарыңызды артқа тастап, өзіңізге бақуатты болашақ қамтамасыз ете алатын өмірді бастаңыз. Менің кеңесім осы", - деп аяқтады жазбасын студент.
Темір Ханның бұл посты Фейсбукте 6 000-нан астам лайк жинап, көпшіліктің қолдауына ие болғанын айта кету керек.
Дереккөз: Nur.kz
You Might Also Like
-
Қарағанды облысы Шет ауданында санитарлық қағидаларды бұзушылықты жойғанға дейін ауылдық мектептердің бірі уақытша жабылды. Бұл туралы Қарағанды облысы мамандандырылған ауданаралық соттың баспасөз ...
-
Жәутіков Орынбек Ахметбекұлы (1911-1989) - ғалым, физика-математика ғылымдарының докторы, профессор, Қазақстан Ғылым академиясының академигі, Қазақстанның еңбек сіңірген ғылыми және техника қайратк...
