10 млн астам жүріс: Алматы — Қонаев тас жолы ең танымал ақылы жол атанды

2026 жылдың он айында жүргізушілер Қазақстанның ақылы тас жолдарымен 68,3 млн жүріс жасады. Бұл көлемнің жартысына жуығы бес бағытқа ғана тиесілі болды, деп хабарлайды infohub.kz сайты. Республикалық тас жолдардың 28 ақылы учаскесінің рейтингін «ҚазАвтоЖол» ҰК» АҚ жариялады.

Елдегі ең жүктемесі жоғары ақылы жол — Алматы — Қонаев бағыты. Қаңтардан қазанға дейін мұнда 10,8 млн жүріс тіркелді.

Екінші орынды Шымкент — Өзбекстан шекарасы бағыты иеленді, онда 8 млн астам жүріс болды. Үздік үштікті Шымкент — Тараз жолы қорытындылады, мұнда 5,6 млн жүріс тіркелді.

Бес үздікке сондай-ақ Тараз — Қайнар (4 964 599 жүріс) және Шымкент — Қызылорда (4 061 676 жүріс) бағыттары енді.

Осы бес бағытқа барлығы 33,5 млн жүріс тиесілі болды — бұл есепті кезеңдегі ақылы жолдардағы жүрістердің жалпы санының 49,1%-ы.

Орталық және солтүстік өңірлердің тас жолдарында да жүктеме жоғары. Мысалы, Астана — Теміртау учаскесінде 3,7 млн жуық жүріс, Астана — Щучинск бағытында 3,4 млн, ал Қонаев — Талдықорған бағытында 3,2 млн жуық жүріс тіркелді.

Ең сұранысқа ие ондыққа Тараздың айналма жолы (Қайнар — Шымкент) мен Щучинск — Көкшетау учаскесі де кірді.

«ҚазАвтоЖол» есебі бойынша, ең жүктемесі жоғары он ақылы учаскеге 48,8 млн жүріс, яғни жалпы көрсеткіштің 71,5%-ы тиесілі болды.

2026 жылдың қаңтар — қазан айларындағы Қазақстанның ақылы жолдарының толық рейтингі: Алматы — Қонаев — 10 834 980; Шымкент — Өзбекстан шекарасы — 8 033 519; Шымкент — Тараз — 5 652 809; Тараз — Қайнар — 4 964 599; Шымкент — Қызылорда — 4 061 676; Астана — Теміртау — 3 698 981; Астана — Щучинск — 3 407 291; Қонаев — Талдықорған — 3 193 009; Тараз айналма жолы (Қайнар — Шымкент) — 2 526 954; Щучинск — Көкшетау — 2 446 971; Қостанай — Денисовка — 2 307 727; Алматы — Қорғас — 2 262 135; Астана — Павлодар — 2 177 036; Қарағанды — Балқаш — Бұрылбайтал — 1 749 169; Қызылорда — Арал — 1 518 380; Көкшетау — Петропавл — 1 517 210; Павлодар — Семей — Қалбатау — 1 135 232; Ақтөбе — Ресей Федерациясының шекарасы (Орынбор) — 1 133 840; Шу — Бұрылбайтал — 945 933; Қостанай — Ресей Федерациясының шекарасы (Троицк) — 789 421; Қандыағаш — Мақат — 784 775; Павлодар — Ресей Федерациясының шекарасы (Омбы) — 751 516; Орал — Ресей Федерациясының шекарасы (Самара) — 573 394; Талдықорған — Өскемен — 500 670; Орал — Ресей Федерациясының шекарасы (Саратов) — 487 254; Үшарал — Достық — 472 465.