Қазақстан астанасында жерасты өткелдерінің қабырғаларын суреттеген кәмелетке толмағандар анықталып, олардың ата-аналары әкімшілік жауапкершілікке тартылды. Бұл туралы Астана әкімдігіне сілтеме жасап NUR.KZ хабарлады, деп жазады infohub.kz.
Қалалық биліктің түсіндіруінше, тексеруге әлеуметтік желілерде жерасты өткелдерінің қабырғаларында әдепсіз сипаттағы түрлі жазулар мен суреттер пайда болғаны туралы ақпараттың таралуы себеп болған.
Осыған байланысты Байқоңыр ауданының аумағында тиісті жұмыстар жүргізіліп, нәтижесінде осы әрекеттерді жасаған жасөспірімдер анықталды — олар полиция бөліміне жеткізілді.
Аталған фактілер бойынша жасөспірімдердің ата-аналарына қатысты «Ұсақ бұзақылық» бабы бойынша әкімшілік шаралар қолданылғаны атап өтілді.
Байқоңыр ауданының әкімдігі жергілікті тұрғындарды қоғамдық орындарға ұқыпты қарауға, тазалықты сақтауға және ортақ мүлікті құрметтеуге шақырды.
Бірнеше күн бұрын біз Қазақстан Президенті Қасым-Жомарт Тоқаевтың Астана әкімі Жеңіс Қасымбекке қоғамдық ғимараттардың қабырғаларын граффитимен суреттеуге тырысқан адамдарға қатысты қатаң шаралар қолдануды тапсырғанын жазған болатынбыз.
Қазақстан Президенті Қасым-Жомарт Тоқаевтың тапсырмасынан кейін Ішкі істер министрлігінің басшысы Ержан Саденов Қазақстанда қоғамдық ғимараттарға граффити салуға толық тыйым салуды ұсынды.