Қазақстан астанасында 1 қазаннан бастап кезекші халыққа қызмет көрсету орталықтарының тізімі өзгереді: екі ХҚО кезекші болады, ал тағы екеуі әдеттегі кестеге оралады, деп хабарлайды infohub.kz сайты.
NUR.KZ-тің «Азаматтарға арналған үкімет» мемлекеттік корпорациясының елордалық филиалына сілтеме жасап хабарлауынша, 1 қазаннан бастап Мәңгілік Ел даңғылы, 30 мекенжайында орналасқан «Есіл» ауданының №1 ХҚО-сы мен Керей, Жәнібек хандар көшесі, 4 мекенжайындағы «Нұра» ауданының ХҚО-сы кезекші болады.
Сонымен қатар Ермек Серкібаев көшесі, 13 мекенжайындағы Сарыарқа ауданының №1 ХҚО-сы мен Иманов көшесі, 20 мекенжайындағы Байқоңыр ауданының ХҚО-сы әдеттегі жұмыс кестесіне көшеді: жұмыс күндері сағат 09:00-ден 18:00-ге дейін, сенбі мен жексенбі — демалыс күндері. Бұл туралы мемлекеттік корпорация филиалының хабарламасында айтылған.
Еске салайық, кезекші ХҚО-лар азаматтарды дүйсенбіден жұмаға дейін сағат 09:00-ден 20:00-ге дейін түскі үзіліссіз, ал сенбіде сағат 09:00-ден 13:00-ге дейін қабылдайды.
Кезекші арнайы ХҚО-лардың мекенжайлары өзгеріссіз қалады. Жұмыс күндері олар өтініштерді сағат 09:00-ден 18:00-ге дейін қабылдайды, дайын құжаттар сағат 20:00-ге дейін беріледі. Сенбіде өтініштер сағат 09:00-ден 12:00-ге дейін қабылданып, дайын құжаттар сағат 13:00-ге дейін беріледі.