Астанадағы «Сығанақ» LRT станциясының төбесінен жаңбырдан кейін су ақты. City Transportation Systems компаниясы бұл жауын-шашынға байланысты емес, инженерлік жүйелерді тексеру кезінде болғанын мәлімдеді, деп хабарлайды infohub.kz.
Компания өкілдерінің түсіндіруінше, су ағу іске қосу-реттеу жұмыстары кезінде, өртке қарсы жүйелердің жабдықтарын тексеру мен баптау барысында орын алған. «Бұл – инженерлік жүйелерді іске қосу-реттеу жұмыстарына байланысты, ол кезде өртке қарсы жүйелердің жабдықтары тексеріліп, бапталады», — деп атап өтті CTS.
Компанияда мұндай жұмыстар кезінде өрт сөндіру жүйелеріне қызмет көрсетуге арналған технологиялық люктер ашылатынын, кей жағдайда олар арқылы ылғал кіруі мүмкін екенін нақтылады. «Аталған жұмыстарды жүргізу барысында өрт сөндіру жүйелеріне қызмет көрсетуге арналған технологиялық люктер ашылады, олар арқылы кейбір жағдайларда ылғалдың енуі ықтимал», — деп қосты компания өкілдері.
Қазіргі уақытта жағдайды жою және құрылымның герметикалылығын қамтамасыз ету бойынша шаралар қабылдануда. «Қазіргі таңда жою және тиісті герметикалылықты қамтамасыз ету үшін қажетті шаралар қолданылуда. Tarlan Astana әдеттегі режимде жұмыс істеп тұр», — деп қорытындылады CTS.