Астана тұрғындары «Зеленый квартал» тұрғын үй кешенінің жанындағы су қоймасының ластанған бейнесін талқылап жатыр. Кадрларда жағалау сызығы қоқысқа, ал су тығыз өсімдіктер мен ластаушы заттарға толы екені көрінеді. Жарияланым авторлары су қоймасына ағынды сулар түсуі мүмкін екенін айтады, деп хабарлайды infohub.kz сайты.
Астана әкімдігі «Курсивтің» сауалына су қоймасындағы соңғы санитарлық тазалау 3-4 тамызда жүргізілгенін хабарлады. Қала әкімдігі су қоймасы тірі экожүйе екенін, сондықтан балдырлар, тұнба және өсімдік қалдықтары табиғи түрде жиналатынын түсіндірді. Сонымен қатар, тұрмыстық қоқыспен ластану көбінесе келушілердің немқұрайлы қатынасына байланысты.
Әкімдік аумақты тазалау тұрақты жүргізілетінін атап өтіп, тұрғындарды су қоймасының жанына қоқыс тастамауға шақырды. Алайда ресми түсініктемеде әлеуметтік желілерде тараған су қоймасына ағынды сулардың түсуі мүмкін деген ақпарат расталмайды.
Бұған дейін «Курсив» Қарағанды облысы бойынша экология департаменті «Қарағанды су» ЖШС-ін экологиялық заңнаманы бұзғаны үшін қайтадан әкімшілік жауапкершілікке тартқанын жазған болатын. Кәсіпорынға ірі көлемде айыппұл салынды.