Астанада пәтер сатуға байланысты алаяқтық ісі бойынша сот процесі аяқталды. Алаяқтардың құрбаны 51 адам болды, ал жалпы залал сомасы 3 млрд теңгеден асты, деп хабарлайды infohub.kz сайты.
Астана соттарының баспасөз қызметінде айтылғандай, іс бойынша айыпталушылар — Б., Е., Ч., Д. — алдын ала сговор жасаған адамдар тобының құрамында, қызметтік жағдайын пайдаланып, ерекше ірі мөлшерде, алдау арқылы бөтен мүлікті иемдену, яғни алаяқтық жасауға ұйымдастырушылық және көмектесу фактілері бойынша айыпталды. Сонымен қатар, оларға алдын ала сговор жасаған адамдар тобының құрамында, қызметтік жағдайын пайдаланып, ерекше ірі мөлшерде сеніп тапсырылған бөтен мүлікті ысырап ету, сондай-ақ ақпаратты жасырын алу үшін арнайы техникалық құралдарды заңсыз сатып алу және пайдалану айыптары тағылды.
Айыптау қорытындысына сәйкес, сотталушылар пәтерлерді, тұрғын емес үй-жайларды және тұрақ орындарын сату сылтауымен азаматтардан қолма-қол және қолма-қол емес түрде ақшаны жеке шоттарына алған. Нәтижесінде 51 зардап шегушіге ерекше ірі мөлшерде — 3 млрд теңгеден астам залал келтірілді. Сонымен қатар, алаяқтар жалған сатып алу-сату шарттарын жасап, ЖШС қаражатын иемденген, ал клиенттерден алынған ақша (3 млрд теңгеден астам) компанияға түспеген, бұл да ерекше ірі мөлшерде залал келтірген.
Сотталушылардың кінәсі зардап шегушілер мен куәгерлердің айғақтарымен, сарапшылардың қорытындыларымен, жасырын тергеу әрекеттерінің материалдарымен, заттай дәлелдемелермен және істің басқа да материалдарымен расталды. Прокурор мемлекеттік айыптауды қолдап, заңға сәйкес жаза тағайындауды сұрады. Зардап шегушілер залалдың өтелмеуін ескере отырып, қатаң үкім шығаруды талап етті.
Сотталушылар мен олардың қорғаушылары айыптаумен келіспей, ақталуды сұрады. Алайда сот қылмыстың ауырлығын, залалдың өтелмеуін және кінәні мойындамауды ескере отырып, 8 және 9 жылға бас бостандығынан айыру жазасын тағайындады, сондай-ақ жылжымайтын мүлікті сатуға байланысты қызметпен айналысу құқығынан 10 жылға айырды. Үкім заңды күшіне енген жоқ.