Ауылым – алтын бесігім!

Ауылым – алтын бесігім!

Ауылым – алтын бесігім,
Халқыңның сенде несібі.
Ашық болсын әрдайым
Кең далаңның есігі!

Алысқа кетсем сағынғам,
Өзіңде айттық қаншама ән!
Бұл күндегі жан достар
Дәл өзіңде қауышқан.

Ыстық қой сенің тауларың,
Алмаға толы бауларың.
Мөлдір таза суыңды
Кәусар суға баладым.

Көктерегім – құт мекен
Бабаларым айтқан сөз.
Шындығында рас екен
Өсе келе ұқтым мен.

Құшаққа алып халқыңды,
Бақытқа бөлеп келесің.
Болам деген ұл - қызға
Бар жігерді бересің.

Гүлдене бер, ауылым,
Көркейе бер, ауылым.
Жырыма сені қосады
Өзің деп соққан жүрегім!

Түркістан облысы,
Түлкібас ауданы, Көктерек ауылы,
«Көктерек» шағын жинақты бастауыш мектебінің
3 - сынып оқушысы Талдыбек Хадиша