Аустрияда жаңа оқу жылының басталуымен 14 жасқа толмаған қыздардың мектептерде дәстүрлі мұсылмандық бас киімдерін киюіне тыйым салатын заң күшіне енді. Бұл шектеу мемлекеттік және жеке меншік оқу орындарына қолданылады. Билік бұл шешімді «қыздардың құқықтарын қорғау» және «гендерлік теңдікті қамтамасыз ету» ниетімен түсіндіріп отыр, деп хабарлайды infohub.kz сайты.
Интеграция жөніндегі министр Клаудия Бауэр: «Бас орамал — қыздарды ерте жастан бақылауға алудың белгісі және оларды басып-жаншудың құралы», — деді.
Мұғалімдер жаңа ережелердің сақталуын қадағалауы тиіс: алдымен оқушылармен және олардың заңды өкілдерімен әңгімелесу, ал қайталанған бұзушылықтар кезінде балаларды қорғау қызметтеріне хабарлау. Төтенше шара ретінде ата-аналарға немесе қамқоршыларға 800 еуроға (шамамен 423 мың теңге) дейін айыппұл салынуы мүмкін.
Айта кетейік, 2020 жылы Аустрияның Конституциялық соты бастауыш мектептерде орамал киюге ұқсас тыйымды діни бейтараптық қағидатына қайшы келеді деп танып, оны жойған болатын.