АҚШ-тың экс-президенті Джо Байден 2020 жылғы президенттік сайлаудан кейін Дональд Трамп өзіне жазған хаттың мазмұнын жария етті, деп хабарлайды infohub.kz сайты.
РБК агенттігі New York Times-қа сілтеме жасап хабарлағандай, Байден бұл хаттың мәтінін «Пообещай мне, Америка» атты жаңа кітабында келтіреді. Хат 2021 жылғы 20 қаңтарда — Байденнің инаугурация күні жазылған. Байденнің айтуынша, Трамп хатты Ақ үйдің Сопақ кабинетінде «46-ға» деген жазуы бар конвертке салып қалдырған. Ол Ақ үйдің ресми бланкісіне жазылып, қара маркермен қол қойылған.
Кітапта Трамп Сопақ кабинеттегі қызметті «елестетуге де болмайтын бақыт» деп атағаны, Ақ үйдің әр бөлшегінде — суреттер мен мүсіндерден баспалдақтар мен дәліздерге дейін — тарихтың ізі жатқанын атап өткені айтылады.
«Енді сізде тарихтан өз орныңызды таңдау мүмкіндігі бар, және сіз өзіңізге де, американ халқына да адал қалатыныңызды білемін. Көптеген президент тарихтың барысын өзгертпей, тек оның ағынымен жүрді. Сізбен ондай болмайды, өйткені мен сіздің американ халқын қаншалықты қатты жақсы көретініңізді білемін», — деп келтіреді Байден хатты кітабында.
Байденнің айтуынша, соңында Трамп оған және әйелі Джиллге амандық тілеген. «Құдай сізге де, Джиллге де жарылқасын, Құдай Америкаға жарылқасын!» — деп келтіреді Байден хатты.
Еске салайық, 2021 жылдың қаңтарында Дональд Трамптың жақтастары Капитолийге, одан кейін АҚШ президенті сайлауының қорытындысын бекітуге тиіс отырыстар өтіп жатқан Вашингтондағы сенат залына басып кірген. Оқиға салдарынан адамдар зардап шегіп, бір адам қаза тапты.
Бұған дейін Трамп Ақ үйді Байденге «бермейтінін» уәде еткен. 2026 жылдың шілдесінде Дональд Трамп «төртінші мерзімге» сайлауға түсу ниетін мәлімдеп, 2020 жылғы сайлаудағы жеңілісін мойындамайтынын атап өткен. Жұрт алдындағы сөздерінде ол «2016, 2020 және 2024 жылдары сайлауда үш рет жеңіске жеткенін» айтып отырады.