Бангладеш президенті Мохаммад Шахабуддин ауруына байланысты отставкаға кеткенін мәлімдеді, деп хабарлайды infohub.kz.
2026 жылғы 24 шілдеде Шахабуддин bdnews24 басылымының журналистерімен телефон арқылы сөйлескенде отставкасын растады. Мәлімдеме туралы сұраққа ол: «Бұл бәріне белгілі. Мұны менен естудің қажеті қанша? Ауырып жатырмын, жетер енді», — деп жауап берді. Одан тиісті өтінішке қол қойғаны сұралғанда, саясаткер: «Бәрін айттым. Қалғанын өздеріңіз түсінерсіздер», — деді.
Бұрынғы судья Мохаммад Шахабуддин 2023 жылғы 13 ақпанда «Бангладеш халық лигасы» билеуші партиясының кандидаты ретінде Бангладеш президенті болып сайланды және сол жылдың 24 сәуірінде қызметіне кірісті. Ел заңы бойынша президентті парламент бес жыл мерзімге сайлайды, бір рет қайта сайлану мүмкіндігі бар.