Кассациялық сот казакстандық әйелдің банкрот деп тану туралы өтінішін қанағаттандырды. Бұған дейін оған ЖШС жарғылық капиталындағы үлесіне байланысты бас тартылған еді, деп хабарлайды infohub.kz сайты.
Баспасөз қызметінің мәліметінше, Азаматтық істер жөніндегі кассациялық сот азаматша Х-тың сот банкроттығы рәсімін қолдану туралы өтінішін қарады. ІІ топтағы мүгедек, онкологиялық аурумен ауыратын әйел өзін банкрот деп тануды сұраған. Оның қарызы 4,5 млн теңгені құраған. Алайда бірінші және апелляциялық сатыдағы соттар оған бас тартқан, себебі ол ЖШС жарғылық капиталындағы 25,9% үлеске ие.
Алайда кассациялық сот бұл тұжырымдармен келіспеді. Сотта атап өтілгендей: «ЖШС екі жылдан астам уақыт бойы іс жүзінде қызмет атқармайды, оның мүлкі небәрі 103 мың теңгеге бағаланған, ал өтініш берушінің үлесінің құны небәрі 26 677 теңгені құрайды, бұл қарызды өтеуге жеткіліксіз. Сонымен қатар, өтініш беруші ЖШС-ға қатысуынан ешқандай табыс алмайды, оның жалғыз табыс көзі — мүгедектік бойынша жәрдемақы».
Сот заңды тұлғадағы үлестің болуы өздігінен сот банкроттығы рәсімін қолданудан бас тартуға негіз бола алмайтынын атап өтті. Мұндай істерді қарау кезінде мүліктің нақты құнын және борышкердің нақты төлем қабілеттілігін ескеру қажет.
Нәтижесінде сот төменгі сатыдағы сот актілерін жойып, азаматша Х-қа қатысты сот банкроттығы рәсімін қолданды.