Бірінші және Екінші дүниежүзілік соғыстар кезінде батқан кемелер мен сүңгуір қайықтар Солтүстік теңіздің экологиясына қауіп төндіруін жалғастыруда: олардың корпустарынан суға улы тринитротолуол сіңіп, теңіз экожүйесіне зиян келтіруде, деп хабарлайды infohub.kz.
Орхус университетінің ғалымы Катрин Юуль Андресен бастаған халықаралық ғалымдар тобы Дания жағалауындағы UC-30 неміс сүңгуір қайығының суға батқан аймағынан жарылғыш заттардың іздерін тапты. Ластану ауқымын бағалау үшін зерттеушілер көк мидияларды пайдаланды. Биологиялық сынақтар моллюскалардың ферментативтік улы заттарды шығару процестерінің бұзылғанын және энергия қорларының азайғанын көрсетті.
Мамандардың айтуынша, кеме корпустарының бұзылуына байланысты тротил, тринитротриазин және динитробензол сияқты қауіпті қосылыстардың ағып кетуі күшейе түспек. Бұл химикаттар улы және канцерогенді қасиеттерге ие, коммерциялық балық аулау кәсібін қоса алғанда, азық-түлік тізбегіне қауіп төндіреді.
Дания суларында 10 мыңнан астам батқан кеме бар, оның шамамен 15 пайызы дүниежүзілік соғыстар кезеңіне жатады. Оқ-дәрілерді шұғыл шығару үлкен шығындарды талап етеді, сондықтан ғалымдар қоршаған ортаға ең үлкен қауіп төндіретін жерлерді анықтауға тырысуда, осылайша нақты шешімдер қабылдауға мүмкіндік алады.