Беларусь пен Өзбекстан экономикалық ынтымақтастықты кеңейту туралы келісімге келді. Жаңа келісімдер аясында Минск Өзбекстанға ет және сүт өнімдерінің жеткізілімін ұлғайтып, агроөнеркәсіп кешенін дамыту үшін өзбек жұмысшыларын тартады, деп хабарлайды inbusiness.kz.
Бұл туралы Беларусь Президенті Александр Лукашенко мәлімдеді, деп хабарлайды мемлекеттік БелТА агенттігі.
Мемлекет басшысының айтуынша, Өзбекстан Президенті Шавкат Мирзиёев Беларусь аумағында мал шаруашылығы кешендерін, жем-шөп қоймаларын және ауыл шаруашылығы өнімдерін қайта өңдейтін кәсіпорындарды салуға қаражат салуға дайын екенін білдірді.
«Олар келеді, ет, сүт осында өндіріледі. Өзбекстан Президенті инвестицияға ақша береді — мал шаруашылығы кешендерін, сенаж траншеяларын салуға, өңдеуге. Инвестиция салады, осында жұмыс істеп, табыс табатын адамдарды береді», — деді Александр Лукашенко.
Сондай-ақ ол Беларусь өзбекстандық жұмысшыларға қажетті жағдай жасауға ниетті екенін атап өтті. Оның айтуынша, оларға тұрғын үй, денсаулық сақтау жүйесіне қолжетімділік және білім алу мүмкіндігін қамтитын әлеуметтік кепілдіктер беріледі.
Сондай-ақ infohub.kz сайтынан оқыңыз.