Қазақстанда соңғы бір ай ішінде Аи-92 бензинінің бөлшек сауда бағасы бірнеше жанармай құю станцияларының желілерінде қайта өсті. Астанадағы кейбір жанармай құю бекеттерінде ең танымал отынның құны литріне 2-3 теңгеге қымбаттады, ал Аи-95 және дизель отынының бағасы негізінен өзгеріссіз қалды, деп хабарлайды infohub.kz сайты.
13 тамыздағы жағдай бойынша, Helios, Gas Energy, Compass, QazaqOil және бұрынғы «Газпромнефть» (жаңа атауы әлі белгісіз) жанармай құю бекеттерінде Аи-92 литрі 247 теңге тұрса, Nomad станцияларында 245 теңге.
Салыстыру үшін, бір ай бұрын, 7 шілдеде бағалар келесідей болды: Helios – 245 теңге, QazaqOil – 245 теңге, бұрынғы «Газпромнефть» – 244 теңге, Nomad – 245 теңге және Compass – 245 теңге литріне.
Осылайша, Аи-92 бензині Helios және QazaqOil станцияларында 2 теңгеге, ал Compass-та литріне 3 теңгеге қымбаттады. Nomad-да баға өзгерген жоқ.
Аи-95 сегментінде айтарлықтай өсім байқалған жоқ, алайда Compass жанармай құю бекетінде баға 317 теңгеден 319 теңгеге дейін өсті. Helios және QazaqOil-де литрі 315 теңге, Nomad-та 312 теңге. Бір ай бұрын бұл станциялардағы бағалар дәл осындай болған.
Премиум Аи-98 бензинінің құны жанармай құю бекеттерінде мүлдем көрсетілмей қалды. Бірнеше ай бұрын бағалар келесідей бөлінген еді: Qazaq Oil – 355 теңге, ал Compass – 365 теңге.
Дизель отыны да бағасында айтарлықтай өзгеріс болған жоқ. Helios, QazaqOil, Gas Energy және бұрынғы «Газпромнефть» станцияларында литрі 337 теңге, Nomad-та литріне 332 теңге. Бір ай бұрын Helios және QazaqOil станцияларында дизель литріне 335 теңге болған. Осылайша, ірі желілерде өсім 2 теңгені құрады, ал Nomad-да баға өзгеріссіз қалды – 332 теңге.
Автомобиль газы Nomad және Gas Energy станцияларында литріне 112 теңгеден сатылуда. Соңғы бір айда Nomad-да баға өзгерген жоқ.
Шілде айының басында «Курсив» Аи-92 бағасының өсу қарқыны маусыммен салыстырғанда баяулаганын жазған болатын. Алайда тамызда астанадағы ірі жанармай құю бекеттерінің көпшілігінде бензин қайта қымбаттады, дегенмен өсу қарқыны қалыпты деңгейде – литріне 2-3 теңге.
31 наурызда Қазақстанда 2025 жылдың қазан айынан бері қолданыста болған Аи-92 бензині мен жазғы дизель отынының бөлшек сауда бағасын көтеруге салынған мораторий аяқталды. Осыдан кейін жанармай құю станцияларының желілері отын бағасын өз бетінше белгілеу құқығына ие болды.