Берлин кинофестивалінде бас жүлдеге ие болған «Сны реки» деректі фильмі Алматыдағы QYZQARAS фестивалінің ашылу фильмі болады. Көрсетілім 20 тамызда «Целинный» заманауи мәдениет орталығында өтеді, деп хабарлайды infohub.kz сайты.
Қазақстандық көрермендер үшін бұл фильмнің халықаралық тұсауынан кейін үлкен экранда көрінуі алғашқы мүмкіндік болады. Фильм Қазақстан арқылы ағатын Ақсай өзені туралы баяндайды. Режиссер Кристина Михайлова өзеннің 130 шақырымдық жолымен жүріп, жағасында тұратын әйелдермен таныстырады. Кейіпкерлердің сұхбаттары түс пен поэтикалық бейнелермен астасып, өзенді әйелдер күшінің метафорасына айналдырады.
Фильм авторлары атап өткендей: «Фильм үстіндегі жұмыс бес жылға созылды. Осы уақыт ішінде түсіру тобы жүзден астам сұхбат жүргізіп, мыңдаған сұрақ қойды, ал жауаптар Қазақстан әйелдерінің біртұтас ұжымдық дауысына айналды».
Михайлованың дебютінің әлемдік тұсауы Берлин халықаралық кинофестивалінде өтіп, онда фильм экуменикалық қазылар алқасының сыйлығын алды. Осыдан кейін фильм 20-дан астам халықаралық кинофестивальге шақырту алды.
QYZQARAS фестивалі Алматыда 20-30 тамыз аралығында өтеді. Ол кинодағы әйелдер көзқарасына, әйел-режиссерлерді қолдауға және феминистік кино тілін дамытуға арналған.