Әлеуметтік желілерде Оралдағы полиция бөлімдерінің бірінің бірінші орынбасары ұсталып, уақытша ұстау изоляторына қамалғаны туралы ақпарат тарады. Бұл мәліметті Батыс Қазақстан облысы полиция департаментінде түсіндірді, деп хабарлайды infohub.kz сайты.
«Уральская неделя» басылымының хабарлауынша, ұсталған адам өзінің қарамағындағы қызметкерге пышақпен шабуыл жасады деп күдікке ілінген. Басылым нұсқасы бойынша, жанжал ішімдік ішу кезінде болған.
Батыс Қазақстан облысы полиция департаментінде NUR.KZ тілшісіне 8 қарашада бұрынғы полиция қызметкерінің денесіне терең жарақатпен медициналық мекемеге жеткізілгенін түсіндірді. Бұл факті бойынша қылмыстық іс қозғалып, болған оқиғаның барлық мән-жайы анықталуда.
Зардап шеккен адамның айғақтарына сәйкес, ол жарақатты өзінің абайсыздығынан алған. Сонымен қатар тергеу аясында болған оқиғаның барлық нұсқасы, оның ішінде басқа да бұрынғы полиция қызметкерінің қатысы болуы мүмкіндігі тексерілуде.
Тергеудің объективтілігін қамтамасыз ету үшін оған жеке қауіпсіздік бөлімшесінің қызметкерлері тартылды. Сондай-ақ қызметтік тергеу жүргізілді. Екі фигурант та бұрын ішкі істер органдарынан босатылған.
«Алайда жекелеген әлеуметтік желілерде тараған, ішімдік ішу кезінде жанжал болған деген ақпарат шындыққа сәйкес келмейді. Көрінеу жалған ақпарат таратқаны үшін қылмыстық жауапкершілік туралы ескертеміз», — деп атап өтті ведомствоның баспасөз қызметі.
Болған оқиғаға түпкілікті құқықтық баға тергеу нәтижелері бойынша беріледі.