Біріккен Ұлттар Ұйымы Бас хатшысының өкілі Стефан Дюжаррик Америка Құрама Штаттарының адамды тікелей эфирде өлтіру туралы шешімін жиіркенішті деп атады. Ол бұл туралы журналистерге арналған брифингте мәлімдеді, деп хабарлайды infohub.kz сайты.
«Адам көзінше немесе тікелей эфирдегі камералар алдында өлтіру, ашығын айтқанда, жиіркенішті», — деді Дюжаррик.
Бұған дейін АҚШ соғыс министрі Пит Хегсет американдық әскери қызметші Нидал Малик Хасты өлтіруді тікелей эфирде көрсету жоспарланып отырғанын мәлімдеген.
Сонымен қатар, БҰҰ-ның Адам құқықтары жөніндегі Жоғарғы комиссары басқармасы өлім жазасын тікелей эфирде көрсету азаптауға тыйым салуды бұзу болып табылатынын хабарлаған.
Бұған дейін Дональд Трамптың Форт-Худ базасында 13 адамды өлтіріп, тағы 32 адамды жарақаттаған Нидал Малик Хасанға қатысты өлім жазасын орындауды мақұлдағаны белгілі болды.
Бұл Екінші дүниежүзілік соғыстан бергі американдық әскери қызметшіні ату арқылы өлтірудің алғашқы жағдайы болмақ.
Кейінірек өлім жазасының күні — 2026 жылғы 3 желтоқсан белгіленді.
Бүгін өлім жазасын жария ету ниеті туралы белгілі болды.