Ағылшындық «Челси» мен малайзиялық «Джохор Дарул Тазим» арасындағы маусым алдындағы жолдастық кездесу тең аяқталды. Матч Малайзияның екінші үлкен қаласы Джохор-Барудағы «Султан Ибрагим» стадионында өтті, деп хабарлайды infohub.kz.
Алаң иелері үш гол соқты: 15-минутта малайзиялық жартылай қорғаушы Ариф Айман, 65-минутта испандық вингер Оскар Аррибас, ал 87-минутта бразилиялық шабуылшы Бергсон мергендік танытты. Қонақтардың атынан ағылшын шабуылшысы Лиам Делап пенальтиден дубль жасады (43 және 62-минуттар). Соңғы нүктені 89-минутта испандық қорғаушы Антонио Глаудердің автоголы қойды.
Қазақстан құрамасының шабуылшысы Дастан Сатпаев матчты қосалқы құрамда бастап, 87-минутта сенегалдық шабуылшы Николас Джексонның орнына алаңға шықты. Сатпаев «Челси» сапында маусым алдындағы дайындықты толыққанды өткізіп жатыр. 12 тамызда оған 18 жас толады, содан кейін қазақстандық лондондық клуб үшін ресми ойындарда өнер көрсете алады.
«Челси» соңғы жолдастық матчын 15 тамызда өз алаңында «Стэмфорд Бридж» стадионында испандық «Реал Сосьедадқа» қарсы өткізеді.