Қазақстанның бірқатар өңірінде дауылды ескерту жарияланды: 15 қазанға тұман, көктайғақ, кей жерлерде жауын-шашын, ал кейбір облыстарда шаңды дауыл мен қатты жел болжанып отыр, деп хабарлайды infohub.kz сайты.
«Қазгидромет» синоптиктерінің дерегінше, ертең Астанада тұман болады. Абай облысының батысында, шығысында және оңтүстігінде түнде көктайғақ күтіледі. Облыстың шығысында, оңтүстігінде және орталығында солтүстік-батыс жел секундына 15–20 метр, екпіні секундына 25 метрге жетеді.
Ертең тұман Ақмола облысын да қамтиды.
15 қазанда Ақтөбе облысында да тұман болады. Шығыс және оңтүстік-шығыс жел соғады, күндіз облыстың батысында, солтүстігінде және орталығында екпіні секундына 15–18 метр. Облыстың шығысында өрт қаупі жоғары болып қалады, батысында, оңтүстігінде және орталығында өрт қаупі төтенше.
Ал Атырау облысында шаңды дауыл күтіледі. Оңтүстік-шығыс жел соғады, күндіз облыстың солтүстігінде, батысында және оңтүстігінде екпіні секундына 15–20 метр. Облыс бойынша өрт қаупі жоғары болып қалады, оңтүстігінде және шығысында өрт қаупі төтенше.
Алматы облысында солтүстік-шығыс жел соғады, облыстың солтүстігінде, оңтүстігінде, шығысында және таулы аудандарында екпіні секундына 15–20 метр. Түнде облыстың солтүстігінде және батысында топырақ бетінде 1-ден 3 градусқа дейін үсік жүреді.
15 қазанда Шығыс Қазақстан облысында жауын-шашын болады, кейде қатты (жаңбыр, қар). Облыстың шығысында және таулы аудандарында тұман, көктайғақ күтіледі. Солтүстік-батыс жел соғады, облыстың батысында, шығысында және оңтүстігінде секундына 15–20 метр, екпіні секундына 25 метрге жетеді.
Жетісу облысында солтүстік-шығыс жел күтіледі: облыстың шығысында және таулы аудандарында екпіні секундына 15–20 метр, Алакөл көлдері ауданында — 23–28, кейде секундына 30 метр және одан да көп. Жетісу облысының таулы аудандарында тұман күтіледі. Облыстың шығысында өрт қаупі жоғары болып қалады.
Ертең Қарағанды облысында көктайғақ болады. Түнде және таңертең облыстың шығысында тұман. Солтүстік-шығыс жел соғады, облыстың солтүстігінде, шығысында және оңтүстігінде екпіні секундына 15–20 метр. Облыстың батысында өрт қаупі төтенше болып қалады.
Түнде және таңертең Қостанай облысының батысында және солтүстігінде тұман болжанып отыр. Облыстың оңтүстігінде өрт қаупі жоғары болып қалады.
Ал Қызылорда облысында солтүстік-шығыс жел күтіледі, күндіз облыстың шығысында және орталығында екпіні секундына 15–20 метр. Облыс бойынша өрт қаупі төтенше болып қалады, солтүстігінде және орталығында өрт қаупі жоғары.
Маңғыстау облысының солтүстігінде және орталығында шаңды дауыл болады. Оңтүстік-шығыс жел соғады, облыстың батысында, солтүстігінде және орталығында екпіні секундына 15–20 метр. Облыстың орталығында өрт қаупі жоғары болып қалады.
Түнде және таңертең Павлодар облысының батысында, оңтүстігінде және орталығында тұман болады. Осындай ауа райы Солтүстік Қазақстан және Түркістан облыстарында да күтіледі.
15 қазанда Ұлытау облысында солтүстік-шығыс жел соғады, таңертең және күндіз облыстың солтүстігінде, шығысында және оңтүстігінде екпіні секундына 15–20 метр. Облыстың батысында, оңтүстігінде және орталығында өрт қаупі төтенше болып қалады.