Қазақстанның Денсаулық сақтау министрлігі өндірісте алынған жарақаттардың ауырлық дәрежесін анықтау ережелеріне өзгерістер енгізетін бұйрық жобасын қоғамдық талқылауға ұсынды. Құжатта дәрігерлер қорытынды шығарған кезде ескеруге тиіс факторлар тізбесі белгіленген — зақымдану сипатынан өмірге төнетін қауіп пен мүгедектік қаупіне дейін, деп хабарлайды infohub.kz сайты.
Жобаға сәйкес, өндірістік жарақаттың ауырлығын бағалау кезінде мамандар зардап шеккен адамның жағдайы туралы клиникалық деректерді, сондай-ақ диагностика мен емдеудің медициналық стандарттарын басшылыққа алуға міндетті.
Ауырлық дәрежесін анықтаудың негізгі өлшемшарттары: алынған зақымданулардың сипаты мен дәрежесі (сынықтар, күйіктер, ішкі ағзалардың зақымдануы, бас сүйек-ми жарақаттары және т.б.); өмірге тікелей қауіптің болуы; еңбекке уақытша қабілетсіздік кезеңінің ұзақтығы; жалпы немесе кәсіби еңбекке қабілеттіліктің тұрақты жоғалуы; ауруханаға жатқызу, хирургиялық араласу немесе реанимациялық шаралар қажеттілігі; жарақаттың салдары (сауығу, мүгедектік немесе өлім).
Ведомствоның айтуынша, ережелерді жаңарту медициналық көмек сапасын арттыруға, денсаулық сақтау жүйесінің ресурстарын тиімді пайдалануға және Қазақстанның халықаралық стандарттарға сәйкес дамуын жалғастыруға мүмкіндік береді.
Құжатты талқылау ағымдағы жылдың 19 тамызына дейін жалғасады.
Бұған дейін «Курсив» 2025 жылы Қазақстандағы жұмыс орындарында 2 328 адам зардап шеккенін, оның 184-і өліммен аяқталғанын хабарлаған. 2024 жылы 2 471 адам жарақат алған.