Қазақстандық әнші Димаш Құдайберген түрік тіліндегі авторлық әнімен жанкүйерлерін қуантқаннан кейін, келесі трек жоспарын ашты, деп хабарлайды infohub.kz сайты.
Әртіс Instagram-да жанкүйерлеріне үндеу жасап, қолдаулары үшін алғыс білдірді: оның "Yazgı" әні iTunes-та бірден үш елде — Венгрия, Румыния және Латвияда бірінші орынға шықты. Ол болашақ әннің тілі туралы сұрағанда, Латын Америкасы, Испания және басқа да испан тілді елдердегі тыңдармандардың ерекше белсенділігін байқағанын атап өтті.
"Мен сіздерді естідім — келесі ән испан тілінде болады! Мен барлық жанкүйерлерімді жақсы көремін және бағалаймын. Сіздер — бір үлкен музыкалық отбасысыздар, және әрқайсыңыз менің жүрегімде ерекше орын аласыздар", — деп жазды Димаш, испан тіліндегі сөзді қосып: "Жақында кездескенше! Мен сіздерді қатты жақсы көремін!".
Әлемнің түкпір-түкпірінен келген жанкүйерлер бұл жаңалыққа қуана қарсы алды. "Вау, испан тіліндегі ән! Рахмет, Димаш!", "Келесі әнді португал тілінде айтыңызшы, өтінемін", "Қазіргі сезімімді айтып жеткізуге сөз жетпейді. Сіздің дауысыңызды ана тілімде тыңдау, әр сөзді түсіну және олардың артындағы эмоцияларды сезіну — бұл өте терең, бұл шындыққа жанаспайтындай көрінеді", "Бұл керемет жаңалықтан таңғалып тұрмын", "Сіздің музыкаңыз қай тілде шырқалса да, ол әрқашан ерекше сұлулыққа ие болады" — деген пікірлер қалдырды жанкүйерлер.
Бұған дейін Димаштың түрік тіліндегі әні шетелдегі iTunes хит-парадтарының жоғарғы сатыларын жаулап жатқаны хабарланған болатын.