Қазақстан қор биржасындағы (KASE) доллардың орташа өлшенген бағамы тағы да өсіп, тәулік ішінде 2 теңгеге қымбаттады. Еуро да осындай өсім көрсетті. Елдегі айырбас пункттерінде валюта қазір қанша тұратынын infohub.kz сайты хабарлайды.
Апта басынан бері Қазақстанда доллар бағамы біртіндеп өсіп келеді. Кеше ол 3 теңгеден астамға қымбаттаса, бүгін өсім жалғасты. Бүгінгі сауда-саттық қорытындысы бойынша KASE-де доллардың орташа өлшенген бағамы 464,77 теңгені құрап, 2 теңгеге өсті.
Елдің мегаполистеріндегі айырбас пункттерінде сағат 15:30-дағы жағдай бойынша, Kurs.kz порталының дерегінше, қолма-қол долларды сатып алу және сату бағамдары төмендегідей: Астанада — сатып алу 460 теңге, сату 467 теңге; Алматыда — сатып алу 458,9-дан 464,8 теңгеге дейін, сату 465,3-тен 467 теңгеге дейін; Шымкентте — сатып алу 464-тен 465 теңгеге дейін, сату 466-дан 467 теңгеге дейін.
Еуро бағамы да 2 теңгеге өсті. Оның орташа өлшенген мәні сағат 15:30-да 541,15 теңгені құрайды. Елдегі айырбас пункттерінде қолма-қол еуроны сатып алу және сату бағамдары төмендегідей: Астанада — сатып алу 533 теңге, сату 543 теңге; Алматыда — сатып алу 533,5-тен 540,5 теңгеге дейін, сату 541,5-тен 545 теңгеге дейін; Шымкентте — сатып алу 535-тен 540 теңгеге дейін, сату 540-тан 545 теңгеге дейін.
Еске салайық, сарапшылардың болжамынша, 2026 жылы доллардың орташа бағамы 490 теңгені құрайды, ал 2028 жылға қарай ол 562,2 теңгеге дейін өсуі мүмкін.