Оңтүстік Африкалық ММА файтері Дрикус дю Плесси нигериялық Камару Усманға ойсырата жеңіліс таттырды, деп хабарлайды infohub.kz сайты.
Орта салмақтағы (83,9 кг-ға дейін) бұл жекпе-жек UFC Fight Night турнирінің Оклахома-Ситидегі басты оқиғасы болды.
Жекпе-жек толық бес раундқа созылып, негізінен тік тұрып өтті. Дю Плесси әр кезеңде үстемдік етіп, дәл тиген соққылар бойынша қарсыласынан басым болды және оны бірнеше рет сілкіндірді.
Қорытынды – судьялардың бірауыздан шешімі: 50:45, 49:46, 49:46. Осылайша, оңтүстік африкалық файтер эмираттық Хамзат Чимаевқа белбеуді жоғалтқан титулдық жекпе-жектегі жеңілістің орнын толтырды.
Қазір 32 жастағы дю Плессидің кәсіби ММА-да 24 жеңісі және үш жеңілісі бар.
Усман орта дивизиондағы екінші жекпе-жегін өткізді, бұған дейін Чимаевтан жеңілген. 39 жастағы нигериялықтың жалпы 21 жеңісі және бес жеңілісі бар. Бұрын Усман UFC-де жартылай орта салмақта (77,1 кг-ға дейін) чемпион болған.