Конго Демократиялық Республикасында Эбола безгегімен ауырғандар саны 3200 адамнан асты, ал қазіргі індет тарихта екінші ірі ошақ болуы мүмкін, деп хабарлайды infohub.kz сайты.
Соңғы аптада тағы 856 жұқтыру жағдайы расталды, деп хабарлайды «Известия» Bloomberg агенттігіне сілтеме жасап. Ұлттық қоғамдық денсаулық сақтау институтының мәліметінше, ауырғандардың жалпы саны 3200-ден асып кеткен.
Соңғы екі аптада Эболадан қайтыс болғандар саны екі есеге жуық өсіп, 1405 адамға жетті.
Қазіргі індет алдыңғыдан әлдеқайда жылдам дамып жатыр. Конгодағы алдыңғы ірі ошақ бір жыл ішінде 2687 расталған жағдайға жеткен болса, бұл жолғы індет ресми түрде жарияланғаннан кейін 10 аптадан аз уақыт ішінде бұл көрсеткіштен асып кетті.
Bloomberg мақаласында атап өтілгендей: «Конгодағы алдыңғы індет, әлемде екінші орында тұрған, басталғаннан кейін бір жыл ішінде 2687 расталған жағдайға жетті. Қазіргі Эбола індеті жарияланғаннан кейін 10 аптадан аз уақыт ішінде бұл саннан асып түсті».