Қазақстандық спортшы Эльмира Сыздыкова Жапонияда өтіп жатқан Азия ойындары-2026-да 76 келіге дейінгі салмақ дәрежесінде күміс жүлдегер атанды. Шешуші белдесуде 2016 жылғы Олимпиада ойындарының қола жүлдегері 2024 жылғы Олимпиада чемпионы әрі 2023 жылғы әлем чемпионы жапондық Юка Кагамиге 1:5 есебімен жол берді, деп хабарлайды infohub.kz сайты.
Финал тартысы тартысты өрбіді: бірінші кезеңнен кейін Сыздыкова 1:0 есебімен алда тұрды. Алайда белдесудің екінші жартысында Кагами бес ұпай жинап, кездесуді 5:1 есебімен жеңіспен аяқтады.
Бұған дейін Ойындар-2026-ның қола медалін Зейнеп Баянова жеңіп алған болатын.
Еркін күрестен Начын Куулар мен Едіге Қасымбек қола медаль иеленсе, Азамат Дәулетбеков үшінші орын үшін белдесуде жеңіліс тапты.
Қазақстанның грек-рим күресі құрамасы Азиаданың бір медалін қоржынға салды. Қоланы Мейіржан Шермаханбет олжалады. Шамиль Ожаев пен Ислам Евлоев құрмет тұғырынан бір қадам қалғанда тоқтады.
Жапониядағы XX Жазғы Азия ойындары 19 қыркүйекте ресми түрде ашылды. 45 елдің спортшылары қатысатын жарыста 460 медаль жиынтығы сарапқа салынуда. Азиада-2026-да Қазақстан құрамасының құрамында 35 спорт түрінен 558 спортшы өнер көрсетуде.