Блогер Эльмира Төлегенова жұбайы Ерболат Жанабыловпен ажырасатынын мәлімдеді. Бұл туралы ол әлеуметтік желідегі парақшасында жазып, жазылушыларына айтты, деп хабарлайды infohub.kz сайты.
«Түнде сторис шығып, осылай хабарлағым келмеді, бірақ біз ажырасу үстіндеміз», — деді Төлегенова.
Желіде Эльмираның киім ілгіште жасырынып, ішінен жабылған видеосы да тарады. Қазіргі уақытта бұл жазба блогердің парақшасынан өшірілген.
Дегенмен стористе Төлегенова болған жағдайға түсінік беріп, жалған ақпарат таратпауға шақырды. «Ойлағандай ешқандай ұрып-соғу болған жоқ. Ерболат екінші телефонымды алмақ болғандықтан, ілгішке жабылдым», — деп түсіндірді ол.
Қазір Эльмира балаларымен үйде, жанында жақын адамдары бар. Ол өзіне келіп, тынышталған соң жағдайды толығырақ түсіндіретінін уәде етті.
Еске салайық, 27 сәуірде блогерлерге қатысты үкім шығарылды. Судья прокурор ұсынған мерзімдермен келісті — блогерлер заңсыз кәсіпкерлік және қылмыстық жолмен табылған ақшаны және (немесе) өзге мүлікті заңдастыру (жылыстату) бойынша кінәлі деп танылды.
Сондай-ақ сот Жанабылов пен Төлегенова қылмыстық қаражатқа сатып алған iPhone 16 (17 дана) мен Hyundai Elantra (8 дана) көліктерін тәркілеуге шешім қабылдады.