Америкалық зерттеушілер ананың тағам рационы мен генетикалық ерекшеліктері емшек сүтінің молекулалық құрамын тікелей анықтайтынын анықтады. Бұл туралы infohub.kz сайты хабарлады.
Зерттеу барысында 349 әйелдің босанғаннан кейін шамамен бір ай өткенде алынған емшек сүтінің үлгілері талданды. Мамандар зат алмасудың 458 түрлі өнімін — метаболиттерді зерттеді. Нәтижелер ананың организміне түскен қоректік заттар сүттің бірегей химиялық бейінін қалыптастыратынын көрсетті.
Мәселен, кофе ішу хин қышқылы мен несеп қышқылының туындыларының пайда болуына әкеледі, ал цитрусты жемістер пролин-бетаин деңгейін арттырады.
Зерттелген факторлардың ішінде сүттің молекулалық құрамымен ең күшті байланыс ананың тағамынан байқалды. Алкоголь ішуды зерттеушілер сфингозин-1-фосфат — баланың ішек жолы мен иммунитетінің дамуына маңызды липид деңгейінің төмендеуімен байланыстырды. Сонымен қатар пайдалы рацион B2 дәруменінің (рибофлавин) жоғары болуына ықпал етті.
Диетадан бөлек, сүттің құрамына ананың генетикасы мен сүт безі жасушаларындағы гендердің жұмысы әсер етеді. Ғалымдар сүттегі зат алмасуға қатысы бар тоғыз ерекше генетикалық аймақты тапты.
Жұмыс авторлары өз зерттеуі әзірге бақылау сипатында екенін және анықталған қосылыстардың балалар денсаулығына тікелей әсерін бағаламайтынын атап өтті.