Қырғызстанның энергожүйесі Қазақстанның Бірыңғай электр энергетикалық жүйесіндегі технологиялық бұзылыстан кейін уақытша оқшауланған режимге көшті, деп хабарлайды infohub.kz.
Қырғыз Республикасы Энергетика министрлігінің мәліметінше, 2026 жылғы 14 тамызда сағат 15:34-те Қазақстан энергожүйесінің солтүстік және оңтүстік бөліктерін жалғайтын жоғары вольтті желідегі сыртқы ажырату салдарынан Орталық Азияның біріккен энергожүйесі (ОАБЭЖ) оқшауланған энерготүйінге бөлінді.
«Қырғыз Республикасының энергожүйесі уақытша оқшауланған режимге көшті. Жабдықты сақтау үшін автоматика регламентке сәйкес іске қосылды», — деп атап өтті министрлікте.
Жағдай энергетиктердің бақылауында. Мамандар жұмыс режимін тұрақтандыру және электрмен жабдықтаудың қалыпты схемасын қалпына келтіру үшін қажетті шараларды қабылдауда.
«Қазіргі уақытта ажыратылған абоненттер жоқ, тұтынушыларды электрмен жабдықтау үздіксіз жүзеге асырылуда. Электр энергиясындағы қысқа мерзімді үзілістердің себебі туралы ақпарат қосымша берілетін болады», — деп түйіндеді министрлікте.
Еске салайық, 2026 жылғы 14 тамызда сағат 14:37-де Қазақстанның Бірыңғай электр энергетикалық жүйесінде «Ағадыр – Үлкен» Л-5300 және Л-5320, сондай-ақ «Ақтоғай – Талдықорған» Л-5400 500 кВ электр беру желілерінің ажырауымен технологиялық бұзылыс болды.