Fly Arystan әуекомпаниясы жолаушыларға рейстердің кешігуі мен тоқтатылуына байланысты мәселелерді өздігінен шешуге мүмкіндік беретін жаңа қызметті іске қосқанын хабарлады, деп хабарлайды infohub.kz сайты.
Әуекомпанияның баспасөз қызметінің мәліметінше, компания рейстер кешіктірілген немесе тоқтатылған жағдайда жолаушыларға арналған жаңа цифрлық өзіне-өзі қызмет көрсету жүйесін енгізуде. Жаңа қызмет жолаушыларға контакт-орталыққа хабарласудың қажеті жоқ, одан әрі әрекет етудің қолжетімді нұсқаларын онлайн режимде өздігінен таңдауға мүмкіндік береді.
Ұшуға 72 сағаттан аз уақыт қалғанда рейс кешіктірілсе немесе тоқтатылса, жолаушылар билетті рәсімдеу кезінде көрсетілген WhatsApp немесе электрондық пошта арқылы жекелендірілген хабарлама алады. Хабарламада рейстің өзгеруі туралы негізгі ақпарат, оның ішінде ұшудың бастапқы және жаңа уақыты көрсетіледі.
WhatsApp немесе электрондық хаттағы бірегей сілтеме арқылы жолаушы жекелендірілген веб-парақшаға өтеді. Тіркелу немесе қосымша деректерді енгізу қажет емес. Парақшада нақты рейс, билет және өзгеріс сипатына қарай қолжетімді әрекет нұсқалары автоматты түрде көрсетіледі.
Жағдайға байланысты жолаушы: жаңа уақытты қабылдай алады — рейсті ауыстыруды растайды; басқа уақытқа немесе күнге айырбастай алады — баламалы рейсті таңдайды; қайтаруды рәсімдей алады — егер бұл әуекомпания ережелерінде қарастырылған болса.
Жекелендірілген қызметті Fly Arystan-ның барлық жолаушылары билетті сатып алу арнасына қарамастан пайдалана алады. Алайда цифрлық платформа арқылы тікелей қайтаруды тек Fly Arystan ресми сайтында немесе мобильді қосымшасында билет сатып алған жолаушылар ғана рәсімдей алады. Турагенттіктер немесе онлайн-агрегаторлар арқылы билет сатып алған жолаушылар билетті сатып алған жерде қайтаруды рәсімдей алады.
Сонымен қатар, жолаушыларға рейс 5 сағаттан аз уақытқа кешіктірілген жағдайда, әуекомпания ережелері айыппұлсыз мәжбүрлі қайта брондау немесе ақша қайтару мүмкіндігін қарастырмайтынын еске салды. Мұндай жағдайда цифрлық қызметте жолаушыға тек «Жаңа уақытты қабылдау» опциясы қолжетімді болады.