Дубайдан Тель-Авивке ұшып бара жатқан FlyDubai әуекомпаниясының ұшағында жолаушы ретінде отырған екі ұшқыш — Ресей мен Украина азаматтары — қауіп сигналы берілген соң әуе кемесін басқаруды өз қолдарына алып, апаттан аман сақтап қалды. Бұл туралы infohub.kz сайты хабарлайды.
Сауд Арабиясындағы Табук әуежайының әкімшілігі қонғаннан кейін құтқарушылар рейстің зардап шеккен екі ұшқышын жергілікті ауруханаға жеткізгенін растады. Әуеде лайнерді басқаруды қызмет басында болмаған екі экипаж мүшесі — ресейлік және украиналық ұшқыштар — қолға алды. Олар жолаушы ретінде ұшып келе жатқан, алайда қауіпті жойып, ұшақтың Сауд Арабиясына қауіпсіз қонуын қамтамасыз ете алды.
Израиль көлік министрі Мири Регев елдің авиациялық билігіне Flydubai компаниясының Израильге барлық рейсін тоқтата тұруды тапсырды. Ол сондай-ақ FlyDubai компаниясы Израиль мен БАӘ арасындағы авиация саласындағы келісімдерді бұзғанын тексеру қажеттігін мәлімдеді. Ол келісімдер бойынша ұшақ экипаждары Израильмен ресми дипломатиялық қатынастағы елдердің паспорттарын иеленуі тиіс.
Тергеу екінші ұшқыштың Оман азаматтығы болуына — Израильмен дипломатиялық қатынасы жоқ елге — баса назар аударады.
Израиль Әскери-әуе күштерінің истребительдері ұшаққа қарай көтерілді. Кейін әуе кемесінің Сауд Арабиясына қонғаны белгілі болды. Содан соң Flydubai компаниясы израильдік телеарнаға Дубай — Тель-Авив рейсінде ұшқыштар арасында төбелес болғанын хабарлады.
Көп ұзамай ұшақтан алғашқы фото мен видео пайда болды. Суретте шабуылдаушымен күрескені болжамдалған жолаушы бейнеленген. Билік ұшқыштардың бірі ұшақты әдейі құлатпақ болған деген нұсқаны тексеруде. Оның әрекетін екінші ұшқыш пен онымен күреске түскен израильдік жолаушылар тоқтатып, апаттың алдын алды деп болжанады.
Сондай-ақ ұшақ ұшқыштарының азаматтығы туралы тағы бір нұсқа айтылды. Ресей мен Украина азаматтығы туралы нұсқадан кейін ұшқыштардың Оман мен БАӘ азаматтығы бар деген деректер шықты.
Одан әрі ұшқыштардың бірі шабуылдан кейін пышақ жарақатынан көз жұмуы мүмкін деген ақпарат тарады.