Қыркүйекте Flydubai әуекомпаниясының рейсінде лаңкестік әрекеттің алдын алуға көмектескен екі ұшқыштың есімі Біріккен Араб Әмірліктеріндегі марапаттау рәсімінде жарияланды, деп хабарлайды infohub.kz сайты.
The Times of Israel-ға сілтеме жасаған NUR.KZ-тің мәліметінше, лаңкестік әрекетке жол бермеген ұшқыштар — Оңтүстік Африка Республикасынан Роуэн Тус және Фиджиден Хэнсон Стивен. Рәсімге дейін олардың есімі аталмаған.
Олар басқа экипаж мүшелерімен бірге БАӘ-нің мұрагер ханзадасы, шейх Хамдан бен Мұхаммед бен Рашид Әл-Мактумның қолынан Заид II орденінің бірінші дәрежесін алды.
Бұған дейін ұшқыштардың жеке басы жарияланбағаны, себебі барлық назар лаңкеспен айқаста ауыр жарақат алған Маччхарға аударылғаны атап өтілді.
«БАӘ Президенті қыркүйектегі борттағы оқиғаға қатысқан flydubai экипажы мүшелерін жолаушылардың қауіпсіздігін қамтамасыз ету жолындағы батыл әрекеттері үшін Заид II орденінің бірінші дәрежесімен марапаттады. Марапаттарды экипаждың әрекеттері мен жауапкершілік сезімін жоғары бағалаған Хамдан бен Мұхаммед табыс етті», — делінген Dubai Media Office хабарламасында.
Отызыншы қыркүйекте БАҚ-та Boeing 737 жолаушы ұшағы Сауд Арабиясы үстінен бұрылыс кезінде авариялық жағдай туралы сигнал бергені туралы ақпарат пайда болды. Ол ұшақты ұрлауды немесе заңсыз араласуды білдіретін 7500 кодын жіберген. Израиль Әскери-әуе күштерінің истребительдері лайнерге қарай әуеге көтерілді.
Кейін әуе кемесінің Сауд Арабиясына қонғаны белгілі болды. Дубай — Тель-Авив рейсінде ұшқыштар арасында бортта төбелес болғаны хабарланды.
Жақында ұшақтан алғашқы фото мен видео пайда болды. Кейінірек зардап шеккен ұшқыш Үндістан азаматы Смит Маччхар екені белгілі болып, ол оқиғаның мән-жайын айтып берді.
Израиль қорғаныс министрі Исраэль Кац бортта болған жағдайды лаңкестік әрекетке балады. Сондай-ақ лаңкестік әрекет жасауға күдіктелген ұшқыштың есімі мен азаматтығы белгілі болды. БАӘ Бас прокуратурасы да оқиғаны лаңкестік әрекетке балады.
Сонымен қатар Израильде Flydubai ұшқышы ұшақты Тель-Авив әуежайында апатқа ұшыратпақ болғанын мәлімдеді.