HBO стримингтік сервисі «Гарри Поттер» сериалының жаңа тизерін ұсынды. Онда жас сиқыршы алғаш рет Хогвартсқа келіп, факультеттерге бөлу рәсімінен өтіп, сиқыр мектебіндегі жаңа өмірін бастайды, деп хабарлайды infohub.kz.
Бас рөлді дебютант Доминик Маклафлин сомдады. Тизерде Гарри Гриффиндор факультетіне түсіп, Рон Уизли мен Гермиона Грейнджермен танысады. Оларға сиқырдың алғашқы қадамдарын меңгеріп қана қоймай, философиялық тастың құпиясын ашу керек болады.
Жоба авторлары жанкүйерлерге таныс бірнеше көріністі көрсетті. Гарри сыпыртқымен ұшып, квиддич ойынына қатысады. Сонымен қатар, тизерде Хогвартстағы сабақтарды, Үлкен залды және мектеп оқытушыларын көруге болады.
Көрермендер Альбус Дамблдор рөлінде Джон Литгоуды, Минерва Макгонагалл рөлінде Джанет Мактирді, Хагрид рөлінде Ник Фростты және Северус Снейп рөлінде Паапа Эссьедті көреді.
Рон Уизлиді Аластар Стаут, ал Гермионаны Арабелла Стэнтон сомдайды. Жас актерлер британдық балалар арасындағы ауқымды кастингтен кейін таңдалды.
Бірінші маусым «Гарри Поттер және философиялық тас» кітабындағы оқиғаларға арналады. HBO Джоан Роулингтің барлық жеті кітабын экрандауды жоспарлап отыр.
Сериалдың тұсауы 2026 жылдың 25 желтоқсанында өтеді. HBO жобаны екінші маусымға дейін ұзартқан.
Бұған дейін Kursiv LifeStyle Руперт Гринттің Гарри Поттер туралы соңғы фильм шыққаннан 15 жыл өткен соң Рон Уизли рөлін қайта сомдайтынын жазған. Актер Нью-Йорктегі «Гарри Поттер және қарғыс атқан бала» бродвей қойылымына қосылады.