Йемендік «Ансар Алла» (хуситтер) қозғалысы Сауд Арабиясына қарсы теңіз блокадасын енгізетінін мәлімдеді, бұл әлемдік мұнай нарығына елеулі қауіп төндіреді, деп хабарлайды infohub.kz.
Қозғалыстың әскери өкілі Яхья Сариа Йемен қарулы күштері Сауд Арабиясына қатысты теңіз кеме қатынасына «блокадаға блокадамен жауап беру» принципі бойынша тыйым салатынын мәлімдеді. Шешім мәлімдеме жарияланған сәттен бастап күшіне енді. Хуситтер өз әрекеттерін Йеменге қарсы жылдар бойы жүргізіліп келе жатқан блокадаға жауап деп санайды. Олар Сауд Арабиясын порттар мен әуежайларды бұғаттады, сондай-ақ ел аумағына соққы жасады деп айыптады. Сондай-ақ мәлімдемеде қозғалыс «оқиғаның кез келген нұсқасына» дайын екенін білдіріп, Эр-Рияд тарапынан одан әрі шиеленісу жағдайында қатаң жауап берумен қорқытты. Сонымен қатар хуситтер Йемен тұрғындарын жалпы жұмылдыруға және қарулы құрамаларды қолдауға дайын болуға шақырды.
Reuters хабарлауынша, бұл қадам АҚШ пен Иран арасындағы қақтығыс фонында қарама-қайшылықтың жаңа майданын ашып, әлемдік мұнай жеткізілімдері мен халықаралық саудаға қауіпті күшейтеді. Эр-Рияд әзірге ресми түрде түсінік бермеді. Reuters бағалауынша, Баб-әл-Мандеб бұғазының – әлемдегі ең маңызды теңіз жолдарының бірінің – толық жабылуы әлемдік мұнай жеткізілімін шамамен 7%-ға қысқартуы мүмкін, себебі сауд экспортының едәуір бөлігі осы бағыттан өтеді. Бұл Парсы шығанағындағы қақтығыстың салдарын күшейтуі мүмкін, ол әлемдік мұнай жеткізілімін шамамен 10%-ға қысқартқан болатын.
Хуситтердің мәлімдемесі Иран мен АҚШ арасындағы шиеленісті төмендетуге бағытталған жаңа дипломатиялық әрекеттер туралы хабарлар аясында жасалды. Reuters деректері бойынша, Тегеран делдалдар арқылы 10 күндік атысты тоқтату ұсынысын алды, бұл өткен айда жасалған уақытша келісімді сақтауға және әрі қарайғы келіссөздерге жағдай жасауға көмектесуі тиіс. Бұған дейін дүйсенбі күні мұнай бағасы Ормуз бұғазы арқылы кеме қатынасындағы жаңа үзілістерден кейін бір баррель үшін 90 доллардан қысқа уақытқа асып кетті. Кейін Иран СІМ-інің делдалдық байланыстар жалғасуда деген мәлімдемелерінен кейін бағалар ішінара төмендеді. Осы аяда Ислам революциясы күзетшілері корпусы Иран қалаларына жасалған американдық шабуылдардың кезекті сериясына жауап ретінде аймақтағы американдық әскери нысандарға соққы жасалғанын хабарлады. Сонымен қатар Иран билігі қақтығыстың шиеленісуін бәсеңдетуге үміттене отырып, дипломатиялық байланыстарды жалғастыруда.